Bernd kaj Hilla Becher

Bernd kaj Hilla Becher
Persona informo

Bernd kaj Hilla BECHER (Bernd, 20-a de aŭgusto 1931 - 22-a de junio 2007, Hilla, 2-a de septembro 1934 - 10-a de oktobro 2015) estis du germanaj fotistoj konataj pro siaj serioj de bildoj de industriaj konstruaĵoj.

Bernd (Bernhard) - kaj Hilla - denaske Hilla Wobeser - renkontis kiel pentro-studentoj ĉe la Universitato de Duseldorfo, kaj estis unuiĝintaj en geedziĝo en 1961. Ilia unua kunlaboro en fotarto estis en 1959 dokumentado de la malaperintindustria arkitekturo. Lia unua ekspozicio estis en 1963 ĉe la Ruth Nohl Gallery (Siegen). Ilia laboro montris fascinon kun la simileco laŭ kiu kelkaj konstruaĵoj estis kreitaj. La fotoj estis faritaj el diversaj vidpunktoj per grandformata fotilo, sed ĉiam en ebeno perpendikulara al la objekto. Bildoj de konstruaĵoj kun identa funkcio estis montritaj kune invitante publikon por kompari la formojn kaj dezajnojn. Tiuj konstruaĵoj estis plejparte garbejoj, akvoturoj, siloj, ekstraktaj turoj aŭ altfornoj.

La Becher-ok fotis tiujn seriojn de industriaj konstruaĵoj. Dum pli ol 50 jaroj ili turneis industriajn plantojn en Eŭropo kaj Usono. Ĉiu fotado de ambaŭ estas en nigrablankaĵo. Ili mem diris, ke en la tempo, kiam aperis la unuaj koloraj filmoj, ili faris kelkajn provojn sen konvinki ilin: "La skulpta karaktero estas prezentata pli bone per la uzado de nigra kaj blanka". Por preni siajn bildojn, ili kutimis meti fotilon ĉe alta punkto kaj poste per disvastigita lumo (por ne krei ombrojn) ili lasis la objektivon malfermita por longa tempo de ekspozicio, tiel evitante la aspekton de la homa figuro.

Bernd estis profesoro ĉe la Duseldorfa Akademio de Belartoj de 1976 ĝis 1996. Bernd kaj Hilla ricevis multajn premiojn, kiel ekzemple la Premio Erasmus en 2002, aŭ la Premio Hasselblad en 2004. Bernd kaj Hilla influis multajn studentojn, kiel ekzemple Andreas Gursky, Thomas Ruff kaj Candida Höfer.